बिलोरी तर्फे आयोजीत आजी आजोबा दिन वक्तृत्व स्पर्धेस भरघोस प्रतिसाद लाभला. जगभरातुन अनेक गुणी मराठी आणि इंग्रजी भाषा बोलणा-या स्पर्धकांनी आपले भाषणाचे विडीओ प्रवेशिकेच्या माध्यमातून पाठवले. या प्रतिसादाबद्दल आयोजक आपले आभारी आहेत.
सर्व विडीओमधून केवळ काही विडीओ निवडणे ही अतिशय अवघड गोष्ट होती. मात्र, विषयांची निवड, आवाजाची गुणवत्ता, विडीओची गुणवत्ता,एकंदरीत भाषणामधून मांडले गेलेले मुद्दे यांचा परामर्श घेत परिक्षकांनी काही विडीओ निवडले. या विडीओजना मिळणारी मते, विडीओ पाहिला जाण्याचा कालावधी, एकंदर प्रेक्षकसंख्या तसेच परिक्षकांचा अभिप्राय यांचा विचार करुन अंतिम विजेते घोषित केले जातील.