संपात राज्य लेखा व कोषागारे कर्मचारी संघटनाही सहभागी झाल्यामुळे शासकीय कोषागारातील ५० ते ६० कोटींची उलाढाल थंडावली.
नाशिक : जुन्या निवृत्ती वेतनासह अन्य मागण्यांसाठी राज्य सरकारी, जिल्हा परिषद-निमसरकारी, शिक्षक, शिक्षकेतर व चतुर्थश्रेणी कर्मचारी संघटनांनी गुरुवारपासून पुकारलेल्या संपाच्या पहिल्याच दिवशी महसूलसह अनेक शासकीय कार्यालयातील कामकाज ठप्प झाले. जिल्हाधिकारी कार्यालयात शुकशुकाट पसरला. संपात राज्य लेखा व कोषागारे कर्मचारी संघटनाही सहभागी झाल्यामुळे शासकीय कोषागारातील ५० ते ६० कोटींची उलाढाल थंडावली. महानगरपालिकेत कर्मचाऱ्यांनी काळ्या फिती लावून कामकाज केले.