Maharashtra Assembly Election 2024 Live Updates: महाराष्ट्रातील विधानसभा निवडणुकीचे प्रत्येक अपडेट जाणून घ्या एका क्लिकवर…
2024 Maharashtra Vidhan Sabha Nivadnuk Live Updates, 18 November 2024: महाराष्ट्र विधानसभा निवडणुसाठी प्रचाराची मुदत आज संपणार आहे. २० नोव्हेंबर रोजी मतदान असल्यामुळे आज (१८ नोव्हेंबर) सायंकाळी ५ वाजेपर्यंतच प्रचार करता येणार आहे. त्यामुळे या शेवटच्या दिवशी जनतेपर्यंत पोहोचण्याचा प्रयत्न प्रत्येक उमेदवार आणि राजकीय पक्ष करताना दिसेल. काल रविवार असल्यामुळे सर्व पक्षाच्या जोरदार सभा झालेल्या पाहायला मिळाल्या. या सभांमधून एकमेकांवर आरोप-प्रत्यारोप करण्यात आले. तर जनतेला नवी आश्वासने देण्यात आली. आज शेवटच्या दिवशी आणखी कोणते मुद्दे निवडणुकीत येतात, हे पाहावे लागेल.
Kalicharan on Manoj Jarange Patil: कालीचरण यांची मनोज जरांगे पाटील यांच्यावर जहरी टीका: म्हणाले…
वादग्रस्त वक्तव्यामुळे नेहमीच वादात अडकणारे कालीचरण महाराज यांनी पुन्हा एकदा आक्षेपार्ह विधान केले आहे. छत्रपती संभाजीनगरमध्ये महायुतीचे उमेदवार संजय शिरसाट यांच्यासाठी घेतलेल्या प्रचार सभेत बोलत असताना कालीचरण यांनी हिंदूंना मोठ्या संख्येने मतदानासाठी बाहेर पाडण्याचे आवाहन केले. तसेच मराठा आरक्षणाच्या आंदोलनाचा हवाला देऊन लाखो लोक मुंबईत गेल्याची घटना घडली असे ते म्हणाले. मला त्या आंदोलनाचा नेता आधी चांगला वाटला होता. पण नंतर तो चादर चढवायला गेला, अशी टीका कालीचरण महाराज यांनी मनोज जरांगे पाटील यांचे नाव न घेता केली.